काठमाडौं-कैलाली, कपिलवस्तु र मकवानपुरबाट अवैध लागूऔषधसहित तीन जनालाई प्रहरीले पक्राउ गरेको छ ।
कैलालीको धनगढी उपमहानगरपलिका–२ ट्राफिक चोकबाट १ किलो ५ सय ग्राम चरेससहित झांग दुर्गाथली गाउँपालिका–४ बस्ने २७ वर्षीय गणेशप्रसाद जोशीलाई सोमबार प्रहरीले पक्राउ गरेको छ ।
जिल्ला प्रहरी कार्यालय कैलालीबाट खटिएको प्रहरीले जाँच गर्ने क्रममा उनलाई उक्त परिमाणको लागूऔषधसहित पक्राउ गरेको हो ।
कपिलवस्तुको मायादेवी गाउँपालिका–१ इमिलियाबाट करिब १ ग्राम ९२ मिलिग्राम ब्राउन सुगरसहित रूपन्देही सैनामैना नगरपालिका–५ वुद्धनगर बस्ने २७ वर्षीय जनकराम घिमिरेलाई प्रहरीले पक्राउ गरेको छ ।
इलाका प्रहरी कार्यालय पकडीबाट खटिएको प्रहरीले लु ८२ प ३२२५ नम्बरको मोटरसाइकललाई जाँच गर्ने क्रममा उक्त परिमाणको लागूऔषधसहित उनलाई सोमबार पक्राउ गरेको हो ।
मकवानपुरको हेटौंडा उपमहानगरपालिका(११ राप्ती चोकबाट करिब ३ सय ८० मिलिग्राम खैरो हिरोईनसहित सोही उपमहानगरपालिका(१ चौकीटोल बस्ने २५ वर्षीय सन्तोष पाण्डेलाई प्रहरीले पक्राउ गरेको छ ।
अस्थायी प्रहरी पोष्ट थानाभर्याङबाट खटिएको प्रहरीले जाँच गर्ने क्रममा उनलाई उक्त परिमाणको लागूऔषधसहित सोमबार पक्राउ गरेको हो ।
प्रकाशित मिति: मंगलबार, साउन २४, २०७९ १३:२४
