काठमाडाैं - टेबुल टेनिसका राष्ट्रिय च्याम्पियन स्यान्टु श्रेष्ठलाई बिदाई गरेको छ ।
उच्च शिक्षा अध्ययन गर्नका लागि अष्ट्रेलियतर्फ प्रस्थान गर्नका लागि राष्ट्रिय च्याम्पियन स्यान्टुलाई मंगलबार एक कार्यक्रमबीच अखिल नेपाल टेबल टेनिस संघले उज्वल भविष्यको शुभकामना सहित बिदाई गरेको हाे ।
संघको लैनचौरस्थित टेबल टेनिस कभर्डहलमा संघका राष्ट्रिय अध्यक्ष चतुरानन्द राजबैद्यले च्याम्पियन श्रेष्ठलाई खादा तथा राष्ट्रिय झण्डा प्रदान गरेर विदाई गरेका हुन्।
यस्तै श्रेष्ठलाई संघका बरिष्ठ उपाध्यक्ष एवं काठमाडाै जिल्ला टेबल टेनिस संघका अध्यक्ष धर्ममान बज्राचार्य, प्रमुख प्रशिक्षक संजीव कुमार ढुङ्गेल, प्रशिक्षकहरु, खेलाडीहरु लगायतले खादा, अविर सहित उज्वल भविष्यको लागि शुभकामना सहित विदाई गरे ।
३ पटकको च्याम्पियन स्यान्टुले दक्षिण एशियाली खेलकुदमा १ रजत र ३ कास्य पदक प्राप्त गर्न सफल भएको संघका वरिष्ठ उपाध्यक्ष एव काठमाडाैं जिल्ला टेबल टेनिस संघका अध्यक्ष धर्ममान बज्राचार्यले जानकारी गराए ।
प्रकाशित मिति: मंगलबार, साउन २४, २०७९ १८:५१
