एजेन्सी- संयुक्त अरब इमिरेट्समा भीषण वर्षापछि आएको बाढीले जनजीवन नराम्ररी प्रभावित पारेको छ ।
बाढीका कारण मानिसहरु विभिन्न ठाउँहरुमा थुनिएका छन् ।
शारजाह र फुजाइराह शहरहरुमा उद्दारका लागि उद्दारकर्मीहरु खटिएका छन् । समस्यामा परेकाहरुलाई उद्दार गर्न समेत कठिनाइ भएको छ ।
सबैभन्दा बढी फुजाइराह शहर प्रभावित भएको छ ।
आबुधाबी र दुबईमा भने पानी नै कम परेको छ । बाढी आउनसक्ने ठाउँहरुमा सरकारले सतर्कता अपनाउन आग्रह गरेको र सकेसम्म सुरक्षित स्थानमा बस्न भनिएको छ ।
बाढीले घरबारबिहीन भएकाहरुलाई विभिन्न होटलहरुमा लगेर राखिएको छ।
निरन्तर बर्षा भइरहेकोले अझे केही समय बाढीको बहाब बढ्न सक्ने भन्दै अधिकारीहरुले थप उद्दारको व्यवस्था गरेको जानकारी दिएका छन ।
प्रकाशित मिति: बुधबार, साउन २५, २०७९ ०८:३५
