काठमाडौं-तनहुँको म्याग्दे गाँउपालिका-३ धयरेमा बिहीबार माइक्रो बस दुर्घटना हुँदा चालकसहित १६ जना घाइते भएका छन् । दमौलीबाट पोखरातर्फ जाँदै गरेको बा ४ ख ९९९९ नम्बरको माईक्रो बस आज बिहान अनियन्त्रित भएर दुर्घटना भएको हो ।
घाइतेमध्ये ८ जनालाई थप उपचारको लागी मणिपाल शिक्षण अस्पताल पोखरातर्फ पठाइएको र एक जनाको स्थानीय अस्पतालमा उपचार भइरहेको प्रहरीले जनाएको छ ।
घाइतेमध्ये ५ जनाको अवस्था गम्भिर रहेको र ७ जना भने सामान्य उपचार पश्चात डिस्चार्ज भइसकेको जिल्ला प्रहरी कार्यालय तनहुँले जनाएको छ ।
प्रकाशित मिति: बिहीबार, साउन २६, २०७९ १६:४२
