एजन्सी- इन्डोनेसियाका व्यक्तिमा कोभिड–१९ प्रतिरोधी क्षमता भएको दाबी गरेकाे छ । इन्डोनेसियाली नागरिकमा कोभिड–१९ को संक्रमणसँग जुध्नका लागि एन्टिबडीको मात्रा प्रशस्त रहेको इन्डोनेसियाको स्वास्थ्य मन्त्रालय र इन्डोनेसिया विश्वविद्यालयको जनस्वास्थ्य संकायले गरेको सेरोलोजिकल सर्वेक्षणले पत्ता लगाएकाे जनाएकाे छ ।
सर्वेक्षणले जुलाईसम्म इन्डोनेसियाको ९८.५ प्रतिशत जनसंख्यामा एन्टिबडी भएको देखाएको छ । सोही संस्थाले सन् २०२१ को डिसेम्बरमा ८८ प्रतिशत को हाराहारीमा एन्टिबडी रहेको अध्ययनपछि बताएको थियो ।
अनुसन्धानकर्तामध्येका एक इवान अरियावानले बिहीबार भर्चुअल पत्रकार सम्मेलनमा भने, “मानिसहरूले खोप, संक्रमण वा दुवैबाट यी एन्टिबडीहरू प्राप्त गर्छन् ।
जनवरी १२ देखि कोभिड–१९ विरूद्धको बुस्टर (अतिरिक्त) मात्रा दिइएको र खोपको प्रशस्त उपलब्धताले एन्डोनेसियाली नागरिकमा कोभिड–१९ विरूद्धको प्रतिरोधी क्षमता उल्लेख्य पाइएको हो ।
अरियावानले भन्नुभयो, “एन्टिबडी भएको जनसंख्याको उच्च प्रतिशतले मानिसहरूलाई कोभिड–१९ बाट संक्रमित हुने छैन भन्ने ग्यारेन्टी गर्दैन तर गम्भीरता र मृत्युदर मात्र कम गर्दछ त्यसैले स्वास्थ्य नियमको अनुशासन मान्नु महत्वपूर्ण रहेको छ ।
इन्डोनेसियाका १०० जिल्लाका १७ हजार भन्दा बढी उत्तरदातामा प्रश्नावली तथा रगत परीक्षणमार्फत सर्वेक्षण विवरण तयार गरिएको थियो ।
प्रकाशित मिति: बिहीबार, साउन २६, २०७९ १९:३७
