काठमाडौं - अमेरिकी आइडलका फाइनलिस्ट अर्थर गन नेपाल आइपुगेका छन् । अपरान्ह त्रिभुवन विमानस्थलमा आफ्नो पहिलो नेपाल कन्सर्टका लागि अर्थर गन (दिवेश पोखरेल)ब्यान्डसहित बुधबार काठमाडौं आइपुगेका हुन् ।
उनकाे स्वागतमा उनका फ्यानको भीड त्रिभुवन विमानस्थलमा प्रशस्तै रहेकाे थियो ।काठमाडौंमा जन्मिएका दिवेश सांगीतिक मञ्चमा चाहिं अर्थर गन नामले चर्चित छन् । विमानस्थलमा आउँदा उनी नेपाली ढाकाटोपीमा सजिएका थिए । उनीसहित उनको ब्यान्डमा पाँच सदस्य पनि रहेका छन् ।
आफ्नो पहिलो नेपाल कन्सर्टका लागि अमेरिकी आइडलका फाइनलिस्ट अर्थर गन (दिवेश पोखरेल) बुधबार काठमाडौं आइपुगेका छन् । सन् २०२० को अमेरिकी आइडलको संस्करणमा फस्ट रनरअप भएयता उनी पहिलो पटक नेपाल आइपुगेका हुन् । गत महिना उनले लण्डनमा कन्सर्ट गरिसकेका छन् ।
प्रकाशित मिति: बुधबार, भदौ १, २०७९ १८:१५
