काठमाडाैं - छैठौं एभरेष्ट इन्टर स्कुल बास्केटवल प्रतियोगिता सुरु भएको छ । स्कुलहरुबीच सम्मिप्यताका लागि एभरेष्ट इंगलिश स्कुल भक्तपुरको आयोजनामा छैठौं एभरेष्ट इन्टर स्कुल बास्केटवल प्रतियोगिता सुरु भएकाे हाे ।
प्रतियोगिताको उदघाटन गर्दै आयोजक स्कुलका प्रिन्सिपल भक्त राजभण्डारीले फेण्डशिप फष्ट र कम्युटिशन सेकेण्ड भन्ने भावनाका साथ प्रत्येक वर्ष प्रतियोगिता गर्दै आएको जनाए ।
उनले स्कुलहरुबीच राम्रो सम्बन्धका लागि पनि प्रतियोगिता गरेकाेमा उत्त प्रतियोगिता तीन वटा क्याटागोरीमा हुने जनाइएको छ ।
आयाेजकका अनुसार सिनियर व्याइज, जुनियर व्याइज र गल्र्स गरी तीन वटा क्याटागोरीमा प्रतियोगिता हुने छ। प्रतियोगितामा काठमाडौं उपत्यकाका २१ वटा स्कुलहरुबाट सहभागी भएको आयाेजकले जनाएकाे छ । प्रतियोगिताको फाइनल खेल भने भदौ ८ गते हुने जनाइएको छ ।
