एजेन्सी- भारतमा सवारी दुर्घटनामा परी शुक्रबार पाँच जनाको मृत्यु भएको छ ।
दुर्घटनाका कारण अरु २५ जना घाइते भएको सरकारी अधिकारीहरूले जानकारी दिएका छन् । देशको राजस्थान राज्य अन्तर्गत पर्ने पाली जिल्लामा शुक्रवार राती दुर्घटना भएको हो ।
स्थानीय प्रहरीका अनुसार ट्याक्टर र ट्रक एक आपसमा ठोक्किएर दुर्घटना भएको जनाइएको छ । पीडितहरू अधिकांश ट्याक्टरका यात्रु हुन्
घटना भएको थाहा पाउना साथ घाइतेहरूलाई घटनास्थलबाट तत्कालै अस्पताल लगिएको थियो । अस्पतालमा उनीहरूको उपचार भइरहेको छ । घाइते मध्ये केहीको अवस्था गम्भीर रहेको स्वास्थ्यकर्मीहरूले जनाएका छन् ।
घटनामा परेकाहरू ट्याक्टरमा चढेर जयसल्मेर जिल्लामा रहेको राम मन्दिर तर्फ जादै थिए । त्यही बेलामा तिव्र गतिमा आइरहेको ट्रकले ट्याक्टरलाई ठक्कर दिएको थियो ।
घटनाका बारेमा जानकारी पाएपछि प्रधानमन्त्री नरेन्द्र मोदीले गहिरो दुःख व्यक्त गरेको छ । उनले घाइतेहरूको शिघ्र स्वास्थ्य लाभको कामनासँगै घाइते तथा मृतकका आफन्तजनप्रति सहानुभूति प्रकट समेत गरेको छ ।
प्रकाशित मिति: शनिबार, भदौ ४, २०७९ १२:१२
