काठमाडौं- वाई वाई ग्लोकल टिन हिरो २०२२ का अन्तिम ६ प्रतिस्पर्धीको नाम घोषणा भएको छ । देश भरिका किशोर किशोरीहरुबाट कुल ६४८ आवेदन आएकोमा शुक्रबार अन्तिम ६ प्रतिस्पर्धीको नाम घोषणा गरेको हो ।
किशोरकिशोरीहरुमा भएको प्रेरणा र उत्साहलाई प्रस्फुटन गरी उनीहरुले समाजमा गरेको प्रभावकारी कार्यलाई कदर र अरु माझ चिनाउने कार्यक्रम ‘वाई वाई ग्लोकल टिन हिरो नेपालको यो आठौँ ' संस्करण हो ।
यस वर्ष सेप्टेम्बर १, २०२२ मा अवार्ड कार्यक्रम र सम्मेलनमार्फत वाई वाई ग्लोकल टिन हिरो नेपाल बिजेताको नाम घोषणा गरिने आयाेजकले जनाएकाे छ ।
वाई वाई ग्लोकल टिन हिरोका अन्तिम ६ प्रतिस्पर्धीमा: आशिष शाह, धनुषा, शिक्षा प्राविधिक ; विमर्ष पौडेल, चितवन, चलचित्र निर्माता; दर्शना रिजाल, मोरङ, महिला अधिकारकर्मी; निश्चल सिंह विष्ट, अछाम, इकोप्रेनेउर; राहुल रञ्जन शाह, धनुषा, खगोल विज्ञान प्रेमी; सृजना गौतम, मोरङ, सामाजिक कार्यकर्ता रहेका छन् ।
आयाेजकका अनुसार अन्तिम ६ प्रतिस्पर्धीकोे कामको सुरुवात र प्रभावको आधारमा र व्यक्तित्व मापदण्ड, ज्ञान र दुरदर्सनको मापनको लागि अन्तर्वाता हुनेछ र २०२२ को बिजेता घोषणा गरिने छ ।
यस वर्षको निर्णायक टोलीमा युरोपियन युनियनका राजदूत श्रीमती नोना डेप्रेज, गोल्डस्टारको मार्केटिंग, ब्रान्डि र व्यवसाय विकास निर्देशक, श्रीमती विधुसी राणा, , नेपालका लागि कोका कोला कम्पनीका कन्ट्री निर्देशक आदर्श अवस्थी, गोल्छा ग्रुप का अध्यक्ष श्री शेखर गोल्छा र ज्योति ग्रुप अफ कम्पनीका निर्देशक र स्याकर ट्रेडिंग कम्पनीका अध्यक्ष, सौरभ ज्योति रहने बताइएकाे छ ।
यस बर्षको अन्तिम ६ प्रतिस्पर्धीहरुले ६ दिन लामो क्षमता निर्माण कार्यशालामा सहभागी हुने अवसर प्राप्त गर्नेछन । प्रतिस्पर्धीहरूलाइ भोट गर्न, तपाईंको मनपर्ने फाइनलिस्टको भोटिंग कोड ३३००१ मा एसएमएस गर्न सक्नु हुनेछ । फाइनलिस्टहरूका लागि भोटिङ कोडहरू यसप्रकार रहेका छन्।
सेप्टेम्बर १, २०२२मा वाई वाई ग्लोकल टिन हिरोे नेपाल अवार्ड कार्यक्रम सोल्टी होटेल काठमाडौँमा आयोजना गरिने भएको छ । शिक्षा, उद्यमशीलता, कूटनीति, एवम अन्य विविध क्षेत्रका व्यक्तित्वहरुको उपस्थितीमा यो कार्यक्रम सन्चालन गरिने आयाेजकले जनाएकाे छ ।
प्रकाशित मिति: आइतबार, भदौ ५, २०७९ ०९:२५
