मेलबर्न– अस्ट्रेलियामा जारी बिग ब्यास लिग अन्तर्गत आजको खेलमा सन्दीप लामिछाने आबद्ध मेलबर्न स्टार्सले सिड्नी सिक्सर्सलाई पराजित गरेको छ । मेलबर्नले सिड्नीलाई ४४ रनले हराएको हो । नेपाली लेगस्पिनर सन्दीप लामिछाने सम्मिलित मेलबर्नले यस जितसँगै ९ खेलमा ८ खेलमा जित हात पार्दै शीर्षस्थानमा रहेको छ ।
टस हारेर ब्याटिङमा उत्रिएको मेलबर्नले निर्धारित २० ओभरमा १ विकेट गुमाउँदै २ सय १९ रनको विशाल लक्ष्य प्रस्तुत ग¥यो । मेलबर्नका लागि मार्कस स्टोइनिसले अविजित सर्वाधिक १ सय ४७ रन बनाउँदा हिल्टन कार्टराइट ५९ रन बनाएर पभेलियन फर्किए । त्यसबाहेक म्याक्सवेलले अभिजित ५ रन बनाए । जवाफी ब्याटिङमा उत्रिएको सिड्नी सिक्सर्स निर्धा्रित २० ओभरमा ७ विकेट गुमाएर १७५ रन बनाउँदा ४४ रनको पराजय भोग्यो । सन्दीप लामिछानेले ४ ओभर बलिङ गर्दै ३५ रन खर्चिएर १ विकेट लिए। उनले १२ दशमलव २ ओभरमा टम कुरुनको विकेट लिए । जारी सिजन ९ खेलमा ८ जित निकालेको मेलबर्न स्टार्स १६ अंकसहित अंक तालिकाको शीर्ष स्थानमा छ ।
