काठमाडौं– मकवानपुरको भिमफेदी गाउँपालिका-१ बागझोराबाट अवैध लागूऔषध १६० केजी गाँजासहित एक जनालाई प्रहरीले पक्राउ गरेको छ ।
पक्राउ पर्नेमा चितवन भरतपुर महानगरपालिका-१८ चनौली बस्ने ४३ वर्षीय टेकबहादुर गुरूङ रहेका छन् । उनलाई बिहीबार बिहान प्रहरीले पक्राउ गरेको हो ।
प्रहरी चौकी भैसेबाट खटिएको प्रहरीले चुनियाँबाट हेटौंडातर्फ आउँदै गरेको बा २० च ६८ नम्बरको कारलाई भिमफेदी गाउँपालिका(२ भैसेस्थित सडकमा रोक्न खोज्दा नरोकी भागेको थियो ।
बागझोरा पुगेपछि प्रहरीले उक्त कारलाई नियन्त्रणमा लिई जाँच गर्दा लागूऔषध फेला पारी चालक टेकबहादुरलाई पक्राउ गरेको हो ।
कारमा सवार अर्का एक जना हाल फरार रहेकाले खोजी भइरहेको प्रहरीले जनाएको छ ।
प्रकाशित मिति: बिहीबार, भदौ २३, २०७९ १४:२७
