काठमाडाैं - गायिका निता आचार्यको नयाँ गीत ‘रङ्गीन संसार’ सार्वजनिक भएको छ । राजकुमार बगरको शब्द/सङ्गीत, कमल सौरागको एरेञ्ज रहेको गीत ‘रङ्गीन संसार’को भिडियो सार्वजनिक भएको हो ।
प्रकाश धितालको निर्देशन रहेको गीतको भिडियोमा रुविना थापा र कुन्साङ बोमजनलाई फिचरिङ गरिएको छ । निकै सुन्दर र आकर्षक देखिएको गीतको भिडियोमा उत्सव दाहालको छायाँकन र विकास दाहालको सम्पादन रहेकाे छ ।
यसअघि निताका ‘यादहरू’, ‘भाग्य मेरो’ जस्ता गीत श्रोता/दर्शकमाझ लोकप्रिय छन् । पोखरामा जन्मेकी निता विदेशी भूमिमा रहेर नेपाली कला संस्कृति र गीतसङ्गीतलाई अत्यन्तै माया गर्दै यही क्षेत्रमा समर्पित भएर लागि परेकी छन् ।
उनले अमेरिकामै रहेर एकजना भारतीय गुरुसँग शास्त्रीय सङ्गीत सिक्ने अवसर पनि पाइन् र आफ्नो गायन कौशललाई अझै निखार्ने अवसर प्राप्त गरिन् । शास्त्रीय सङ्गीतमा पोख्त हुने इच्छा राख्ने निताको पछिल्लो गीत ‘रङ्गीन संसार’ लाई आफ्नै अफिसियल युट्युव च्यानल ‘निता आचार्य’ मार्फत सार्वजनिक भएको छ ।
प्रकाशित मिति: शुक्रबार, भदौ २४, २०७९ १४:४५
