नयाँ दिल्ली– भारतले बेलायती महारानी एलिजाबेथ द्वितीयको निधनमा एक दिन राष्ट्रिय शोक मनाउने भएको छ ।
महारानीप्रति सम्मान व्यक्त गर्न भारत सरकारले आइतबार (११ सेप्टेम्बर)राष्ट्रिय शोक मनाउने निर्णय गरेको भारतको विदेश मन्त्रालयद्वारा जारी विज्ञप्तिमा उल्लेख छ ।
उक्त दिन भारतभर र विदेशस्थित भारतीय नियोगमा भारतीय झण्डा आधा झुकाइने विज्ञप्तिमा उल्लेख छ । यसअघि भारतीय प्रधानमन्त्री नरेन्द्र मोदीले महारानीको निधनप्रति गहिरो शोक व्यक्त गरेका थिए ।
महारानीको निधनप्रति विश्वका नेताले शोक व्यक्त गरेका छन् । महारानी एलिजावेथ द्धितीयको बिहीबार ९६ वर्षको उमेरमा निधन भएको थियो ।
