काठमाडौं – पहिरोमा पुरिएर अछामका विभिन्न स्थानमा ८ जनाको मृत्यु भएको छ । जिल्लाका कमलबजार नगरपालिका, ढकारी गाउँपालिका र तुर्माखाद गाउँपालिमा गएको पहिरोमा पुरिएर ८ जनाको मृत्यु भएको प्रहरीले जानकारी दिएको छ ।
कमलबजार नगरपालिका–६ मा पहिरोले घर पुरिँदा बेपत्ता भएका ७ मध्ये थप चार जनाको शव भेटिएको जिल्ला प्रशासन कार्यालयले जनाएको छ । पहिरोमा पुरिएका अन्यको पनि खोजी भइरहेको प्रशासनले जनाएको छ ।
यस्तै ढकारी गाउँपालिका-६ मा पनि पहिरोले घर पुरिँदा दुई जनाको मृत्यु भएको छ । पहिरोमा परेका तीनजनालाई घाइते अवस्थामा उद्दार गरिएको र उनीहरूको उद्दारका लागि हेलिकोप्टर मगाइएको प्रहरीले जनाएको छ ।
यसअघि तुर्माखाद गाउँपालिका-५ काँडामा घर पुरिंदा २ जनाको शव फेला परेको थियो ।
