एजेन्सी - श्रीलङ्काको जल क्षेत्रमा "अवैधरूपमा माछा मार्ने गरेको" आरोपमा श्रीलङ्काको नौसेनाले आठ भारतीय मछुवालाई पक्राउ गरेको छ । प्रहरीको विज्ञप्ति अनुसार सोमबार राति १० बजे जगदपट्टिनमबाट २२ नटिकल माइलको दूरीमा ती माछा मार्नेहरूलाई पक्राउ गरिएको हो ।
गत महिना श्रीलङ्काको नौसेनाले १० भारतीय मछुवालाई पक्राउ गरेको श्रीलङ्काको मछुवा संघले जनाएको छ । यसअघि तमिलनाडुको तटीय जिल्लाबाट डुङ्गामा यात्रा गरिरहेका नौ जना माछा मार्ने श्रीलङ्काको जलक्षेत्रमा अतिक्रमण र माछा मारेको आरोपमा पक्राउ परेका थिए।
नागपट्टिनमबाट पक्राउ परेका मछुवाहरूलाई त्रिन्कोमाली बन्दरगाहमा लगिएको रामेश्वरम प्रहरीले जनाएको छ। यसअघि श्रीलङ्काको जलसेनाले डुङ्गा दुर्घटनाका कारण अलपत्र परेका ६ भारतीय मछुवाको उद्धार गरेको थियो ।
रामेश्वरम माछा मार्ने बन्दरगाहबाट करिब ५ सय ३२ डुङ्गा समुद्रतर्फ प्रस्थान गरेका छन् । तर सगेर पाण्डियनको स्वामित्वमा रहेको डुङ्गाले भारत-श्रीलङ्काको समुद्री सिमाना रहेको पाल्क बे क्षेत्रमा यान्त्रिक समस्या देखिएको सङ्केत गरेको थियो।
प्रकाशित मिति: बुधबार, असोज ५, २०७९ ०८:४८
