काठमाडौं– बाग्मती प्रदेशकी पूर्व सांसद शोभा शाक्य रवीन्द्र मिश्रसँगै राष्ट्रिय प्रजातन्त्र पार्टी (राप्रपा) मा प्रवेश गरेकी छिन् ।
उनी आफू राप्रपाको विचारसँग नजिक रहेको उल्लेख गर्दै आज बुधबार मिश्रसँगै राप्रपा प्रवेश गरेकी हुन् । शाक्यले देश र पार्टी दुवै बनाउने अभिभारा आफूमा आइपुगेको बताइन् ।
मिश्र समूह संवैधानिक राजतन्त्रको पुनर्स्थापना र धर्म निरपेक्षताको खारेजीमा सहमति जनाएर राप्रपा प्रवेश गरेको हो । विश्वासिलो र बलियो ‘सम्बर्द्धनवादी राष्ट्रवादी’ शक्तिको आवश्यकता रहेको बताउँदै उनीहरूले राप्रपाबाट त्यो अभियान पूरा हुने दाबी गरेका छन् ।
प्रकाशित मिति: बुधबार, असोज १२, २०७९ १६:२२
