काठमाडाैं - सानिमा बैंक लिमिटेडले ठिमी र कपनमा बैंक शाखा स्थापना गरी सेवा विस्तार गरेको छ । सानिमा बैंकले आफ्नाे शाखा विस्तार गर्ने क्रममा शुक्रबार ठिमी र कपनमा नयाँ शाखा स्थापना गरी बैंकिङ सेवा विस्तार गरेको हाे ।
उक्त शाखाहरुको समुद्घाटन ब्रान्ड प्रवद्र्धक वरिष्ठ कलाकारद्वय मदन कृष्ण श्रेष्ठ र हरिवंश आचार्यज्यू (मह जोडी) तथा बैंकका संचालक भरत कुमार पोख्रेलज्यूले संयुक्त रुपमा गरेका हुन् ।
समुद्घाटन् समारोहमा मह जोडीले ठिमी र कपनमा सानिमा बैंकको शाखा संचालनमा आएकोमा बैंकलाई बधाई ज्ञापन गर्दै सबल अनि विश्वसनीय बैंकको रुपमा निरन्तर विस्तार हुन र थप सफलताको लागि शुभकामना व्यक्त गरे ।
त्यसैगरी सानिमा बैंकका प्रमुख कार्यकारी अधिकृत निश्चल राज पाण्डेज्यूद्वारा बैंकका ग्राहक तथा सरोकारवालाहरुलाई निरन्तर सहयोग तथा संरक्षणका लागि कृतज्ञता व्यक्त गर्दै गुणस्तरीय सेवा प्रदान गर्न बैंक प्रतिबद्ध रहेको बताए ।
सानिमा बैंकको देशका सातै प्रदेशमा १२९ कार्यालयहरु र १२० वटा ए.टि.एम. संजालहरु संचालनमा रहेकाे जनाएकाे छ ।
प्रकाशित मिति: शुक्रबार, असोज १४, २०७९ १५:१३
