काठमाडाैं - प्रधानमन्त्री शेरबहादुर देउवाले जनता समाजवादी पार्टी (जसपा)का चार मन्त्रीलाई बर्खास्त गरेका छन् ।
जसपाले सत्ता गठबन्धनबाट बाहिरिएर आउँदाे चुनावमा नेकपा एमालेसँग गठबन्धन गरेपछि प्रधानमन्त्री देउवाले उसका चार मन्त्रीलाई हटाएका हुन् ।
प्रधानमन्त्री देउवाले मन्त्रीहरु राजेन्द्र श्रेष्ठ, मोहम्मद इस्तियाक राई, प्रदीप यादव र मृगेन्द्रकुमार सिंहलाई हटाएका स्राेतले जनाएकाे हाे ।
सपाबाट सरकारमा श्रेष्ठ सङ्घीय मामिला तथा सामान्य प्रशासन, राई भौतिक पूर्वाधार तथा यातायात, प्रदीप यादव वन तथा वातावरण र मृगेन्द्र यादव कृषि तथा पशुपक्षी विकास मन्त्री थिए ।
