काठमाडौं - गायक प्रकाश सपुत र रेश्मा घिमिरे अभिनित 'जाने भए जाउ माया' बोलको म्युजिक भिडियो सार्वजनिक भएको छ। गायक सरन गुरुङले यस सेण्टिमेन्टल भर्सनको गीतमा स्वर भरेका हुन् ।
गीतमा शब्द, संगीत बिकाश ल्वागुनको रहेको छ। गीतलाई कोबिद बज्रले संगीत संयोजन गरेका हुन्। सहना इन्टरटेन्मेन्टको प्रस्तुति रहेको 'जाने भए जाउ माया' म्युजिक भिडियो गायक गुरुङको रिलिजको तयारीमा रहेको एल्बम 'सहना'मा संग्रहित गीत हो।
एल्बम नोभेम्बर १३ मा बिमोचन हुने गायक गुरुङले बताएका छन्। एल्बम रिदम स्क्रीन क्रिएसन र वि द बेस्टको सहयोगमा तयार पारिएको हो। म्युजिक भिडियोमा प्रकाश सपुत र रेश्मा घिमिरे श्रीमान, श्रीमतीको भूमिकामा देखिएका छन्।
बुद्ध थापाले छायाँकन गरेको यस भिडियोलाई बिकाश धमलाले सम्पादन गरेका हुन्। निकेश खड्काको निर्देशनमा भिडियो तयार पारिएको हो। भिडियो गायक गुरुङको च्यानल 'सरन गुरुङ' मार्फत सार्वजनिक भएको हो।
हाल अमेरिकामा बस्दै आएका गायक गुरुङले आफ्नो नयाँ म्युजिक भिडियोलाई हेरेर सुनेर प्रतिक्रिया दिन सबैलाई आग्रह गरेका छन्।
म्युजिक भिडियो हेर्न लिंक: https://youtu.be/6vZtDkaBSTg
प्रकाशित मिति: शुक्रबार, असोज २८, २०७९ १८:०४
