काठमाडौं - पछिल्लो समय डिजिटल मार्केटले धेरै नै फड्को मारेको छ। डिजिटल मार्केटको बिस्तारसँगै वेब सिरिजको निर्माण पनि बढेको छ।
सिरिज बनाउन अब्बल मानिएको एसियन म्युजिकले नयाँ सिरिज ‘लभ नम्बर २२’ नेपालमा उदाइरहेको ओटिटि प्लेटफर्म फोपि सँग मिलेर बनाएको छ।
‘लभ नम्बर २२’ असोज ३० मा फोपिमा रिलिज हुँदैछ। अहिलेको युवा पुस्ताको कथा बोल्ने सिरिजले दर्शकलाइ भरपुर् मनोरंजन दिनेमा निर्माण टिम बिस्वस्त छ।
सरिन पोखरेलको कथा र निर्देशनमा तयार भएको सिरिजलाई संकल्प भुजेलले छायाँकन र कृष्ण भण्डारीले सम्पादन गरेका छन्।
इश्वर गुरुङ र इभान गुरुङले निर्माण गरेको सिरिजमा अमृत ढुंगाना,रक्षा थापा,अमितेश शाह,अस्मिता खनाल,रिवाज लामा,सेजल गौतम,नारायण प्रधान,स्वर्णीमा खतिवडा लगाएतका कलाकारको अभिनय रहेको छ।
बसन्त अधिकारी एसोसियट निर्देशक रहेको ‘लभ नम्बर २२’ मा खगेन्द्र श्रेष्ठ र दिपेन्द्र तामाङ सह निर्माता रहेका छन्।
प्रकाशित मिति: आइतबार, असोज ३०, २०७९ ०९:३५
