काठमाडौं-विभागीय टोली नेपाल पुलिस क्लब नवौं राष्ट्रिय खेलकुद प्रतियोगिता अन्तर्गत पुरुष भलिबलको सेमिफाइनल प्रवेश गरेको छ । मंगलबार बिहान भएको खेलमा पुलिसले सुदूरपश्चिम प्रदेशलाई सोझो सेटमा हराउँदै सेमिफाइनलको यात्रा तय गरेको हो ।
पहिलो क्वाटरफाइनल खेलको पहिले सेटमा २५–२१ को जित निकालेको पुलिसले दोस्रो सेट २५–१३ ले जितेको थियो । अन्तिम सेटमा २५–२० ले जित निकाल्दै पुलिस सेमिफाइनलमा पुग्यो ।
पुलिसले आजै हुने दोस्रो क्वाटरफाइनलको त्रिभुवन आर्मी र बागमती प्रदेशबीचको विजेतासँग खेल्ने छ । आज नै हुने तेस्रो क्वाटरफाइनलमा नेपाल एपीएफ क्लब र लुम्बिनी प्रदेशबीच खेल हुनेछ । त्यस्तै अन्तिम क्वाटरफाइनल गण्डकी प्रदेश र प्रदेश नम्बर एकबीच हुनेछ ।
प्रकाशित मिति: मंगलबार, कात्तिक १, २०७९ १०:४५
