काठमाडौं– नेकपा एमालेका अध्यक्ष केपी शर्मा ओलीले ‘लाइभ डिबेट’ मा आउन तयार रहेको बताएका छन्।
सामाजिक सञ्जालमामा चुनावी एजेन्डालगायत विषयमा ‘लाइभ डिबेट’ मा आउन आग्रह गरेकोले आफू तयार रहेको पनि ओलीले उल्लेख गरेका छन्। सामाजिक सञ्जाल प्रयोगकर्ताले ओली साथै प्रधानमन्त्री शेरबहादुर देउवाबीच ‘लाइभ डिबेट’ हुनुपर्ने माग गरिरहेको ओलीले बताएका छन् ।
निर्वाचनको समयमा पश्चिमा देशहरुमा यस्तो डिबेट हुने गरेको छ । त्यस्तै लाइभ डिबेटका लागि आफू तयार भएको बताउँदै आज ओलीले फेसबुकमा लेखेका छन्, ‘म त यसका लागि तयार छु, देउवाजी नि? ’
तस्विर: ओलीको फेसबुक बाट
प्रकाशित मिति: मंगलबार, कात्तिक १, २०७९ १४:४६
