काठमाडौं– सिटी एक्सप्रेसले मनि ट्रान्सफरका अभिकर्ताहरूको लागि उपहार कार्यक्रमको विजेता घोषणा गरेको छ । विजेताहरूलाई सिटी एक्सप्रेस कम्प्लेक्समा प्रबन्ध निर्देशक चन्द्र टन्डनले उपहार हस्तान्तरण गरेका थिए ।
एक्सप्रेसले वैकल्पिक आय आर्जनका लागि जीवनबीमाको अभिकर्ताको रूपमा समेत कार्य गर्ने अवसर प्रदानगरि बीमासम्बन्धी कार्यलाई प्रोत्साहन गर्न ‘दशैं–तिहारमा उपहारको बहार’ योजना २०७६ भाद्र १५ देखि २०७६ पौष १५ सम्म संचालन गरेकोमा उक्त अवधिमा उत्कृष्ट व्यवसाय गर्न सफल नेपालटार स्थित एभरसेफ मनि ट्रान्सफरबाट सरला अधिकारी र रानीबारी स्थित अक्सफोर्ड नेपाल मनि ट्रान्सफरका पिताम्बर सापकोटाले ३२ इन्चको सामसुङ स्मार्ट टिभी र ढल्को स्थित फिनटेक सर्भिसेजका रबिन्द्र महर्जनले ४३ इन्चको सामसुङ स्मार्ट टिभी प्राप्त गर्न सफल भएका छन् ।
