बेइजिङ – चीनको नयाँ प्रधानमन्त्रीमा ली छियाङ चयन हुने भएका छन् । ली खछ्याङ पार्टी नेतृत्वबाट बाहिरिएपछि छियाङ नयाँ प्रधानमन्त्रीमा हुने भएका हुन् । ली ७ सदस्यीय स्थायी समितिमा राष्ट्रपति सीपछि वरीयताका दृष्टिले दोस्रो स्थानमा छन् ।
यसअघि सीपीसीको स्थायी समितिबाट प्रधानमन्त्री ली खछ्याङसहित चार जना नेताहरू बाहिरिएका थिए । नयाँ नेतृत्व चयन गर्दै पार्टीको २०औँ महाअधिवेशन शनिबार सम्पन्न भएको छ ।प्रत्येक ५ वर्षमा हुने अधिवेशनबाट पार्टी महासचिवसँगै ७ सदस्यीय स्थायी समिति र २५ सदस्य पोलिटब्युरो चयन हुन्छ । नयाँ चयन भएको स्थायी समितिमा दुईजना मात्र दोहोरिएका छन् भने पोलिटब्युरोमा एउटा पनि महिला छैनन् ।
प्रकाशित मिति: आइतबार, कात्तिक ६, २०७९ १५:३०
