भारत - भारतको गुजरात राज्यमा झोलुङगे पुल भत्किएपछि कम्तीमा १०० जनाको मृत्यु भएको छ । स्थानीय मोर्बी नगरस्थित मच्चु नदीमाथि रहको पुल भाँचिदा सयौँ मानिसहरू नदीमा खसेका थिए ।
उक्त पुल मर्मतसम्भार गरी पुनः संचालनमा ल्याइएको केहीमा दिनमै यो घटना घटेको हो । भिडियो फुटेजमा पुल भाँचिएपछि मानिसहरू त्यसमा झुण्डिएको देख्न सकिन्छ ।
घटनाको समयमा पुलमा ४ सय जनासम्म मानिस भएको समाचारमा जनाइएको छ । गुजरात राज्यका मन्त्री बृजेश मिर्जाले ८० जनाभन्दा बढी मानिसको जीवितै उद्दार गरिएको बताउनुभएको छ ।
हाल आफ्नो गृहराज्य गुजरातको तीन दिने भ्रमणमा रहनुभएका प्रधानमन्त्री नरेन्द्र मोदीले उक्त घटनाले आफूलाई दुःखित तुल्याएको बताए ।
मोदीले घटनामा घाइते भएकालाई उपचार खर्च र मृतकका परिवारलाई राहत उपलब्ध गराइने पनि बताइएको छ।
प्रकाशित मिति: सोमबार, कात्तिक १४, २०७९ ०८:५१
