एजेन्सी – केनु रिभ्स अभिनित एक्सन फिल्म ‘जोन वीक– ४’को चौथो श्रृंखलाको ट्रेलर सार्वजनिक भएको छ । यस फिल्म आगामी मार्च २३ मा रिलिज हुने भनिएको छ भने फिल्मलाई लायन्सगेट स्टुडियोले सार्वजनिक गरेको हो ।
फ्रेन्चाइज निर्देशक चाड स्टेहल्स्की निर्देशित फिल्मको पछिल्लो श्रृंखलामा जोन वीकले हाइ टेबुललाई हराउने बाटो पत्ता लगाउँछ । उसका सामु सूर्योदयमा उसको नयाँ शत्रु बिल स्कार्सगार्डको ग्याङलाई हराउनुपर्ने चुनौती आइलाग्छ ।
लायन्सगेटको फिल्म जोन वीक विश्व बक्स अफिसमा एक प्रतीक्षित फिल्मको रुपमा पर्छ । यस अघि जोन वीकको तेस्रो श्रृंखलाले एक्सन सिरिजमा अहिलेसम्मकै सर्वाधिक कमाइ गर्दै विश्व बक्स अफिसमा १८१ मिलियन डलर कमाइ गर्न सफल भएको थियो ।
https://www.youtube.com/watch?v=qEVUtrk8_B4
प्रकाशित मिति: शनिबार, कात्तिक २६, २०७९ १२:१८
