काठमाडाैं - ‘पासो’को ट्रेलर सार्वजनिक भएको छ । बी.आर इन्टरटेन्मेन्टको प्रस्तुतिमा आइतबार एक कार्यक्रमकाबीच महिला केन्द्रित फिल्म पासो’को ट्रेलर सार्वजनिक गरिएको हाे ।
साे ट्रेलरमा अपहरणकारीको कब्जाबाट उम्कन दुई महिला पात्रले गरेको संघर्षलाई देखाइएको छ ।याे ट्रेलर १ मिनेट १८ सेकेन्ड लम्बाईको रहेकाे छ ।
अभिनेत्री रीस्ता बस्नेत बाकसभित्र कैद भएकाे देखाइन्छ भने सुनिशा बजगाईंलाई हात-मुख बाँधेर यातना दिइएको छ । मंसिरको १६ गतेबाट प्रदर्शनमा आउन लागेको फिल्ममा रामकुमार बास्ताकोटी, प्रतिक दुलाल, प्रनव आकाश, ऋतिक दुलाल, गीता थापाको अभिनय रहेकाे छ ।
फिल्ममा कथा, पटकथा, संवाद र निर्देशन आर.बी पुनको छ । भगवान भुजेल निर्माता रहेको फिल्मको कार्यकारी निर्माता राजकुमार राउत, सह-निर्मातामा बसन्त घिमिरे, अनु मुस्कान, अनुराग ढुंगाना र सरस्वती गुरुङ रहका छन् ।
सुर्य दयालुको संगीत, उत्तम हुमागाँइको छायांकन रहेको फिल्ममा सुरेश बस्यालको कोरियोग्राफी, भूपेन्द्र अधिकारीको सम्पादनमा बनेकाे छ । रीस्ताले १० दिनसम्म एउटा बाक्साभित्र बसेर आफूले छायांकन गरेको उनको भनाई छ ।
प्रकाशित मिति: आइतबार, कात्तिक २७, २०७९ १८:३५
