काठमाडौं– मोरङ क्षेत्र न ३ बाट उम्मेदवारी दिएकी राप्रपाका नेतृ तथा अभिनेत्री रेखा थापका लागि मनिषा कोइरालाले भोट मागेकी छन् ।
मनीषाले भिडियो मार्फत् प्रतिनिधिसभा सदस्यका लागि रेखालाई भोट मागेकी हुन् । उनले रेखालाई निडर र हिम्मतवाली भन्दै जितको लागि शुभकामना पनि दिएकी छन् ।
भिडियोमा मनीषाले , ‘देश यतिबेला निर्वाचनमय भएको छ । हाम्रै कला क्षेत्रबाट ख्याति कमाउनुभएको निडर, हिम्मतवाली राप्रपाकी कुशल नेतृ रेखा थापा मोरङ क्षेत्र नं। ३ बाट प्रतिनिधिसभा सदस्यमा उठ्नुभएको छ । म उहाँलाई विजयको अग्रिम शुभकामनासहित समर्थन गर्दछु । मोरङ ३ बाट मलाई हेरिरहनुभएको व्यक्तिहरुलाई यसपटक सहासी नारीलाई साथ दिन अनुरोध गर्दछु ।’ उनले भनेकी छन् ।
प्रकाशित मिति: बिहीबार, मंसिर १, २०७९ ११:४६
