काठमाडौं– ताप्लेजुङको प्रदेशसभा क्षेत्र (२) बाट प्रदेशसभा सदस्यमा नेपाली कांग्रेसका खगेनसिं हाङ्गाम विजयी भएको छ ।
नेकपा (एमाले) का गोपाल थोप्रालाई एक हजार दुई सय ४८ को मतान्तरले पराजित गर्दै उनी विजयी भएको हो । यहाँ खसेको कूल २१ हजार आठ सय सात मतमध्ये हाङ्गामले १० हजार चार सय ९६ मत प्राप्त गरेको छ भने थोप्राले नौ हजार दुई सय ४८ मत प्राप्त गरेको मुख्य निर्वाचन अधिकृत निर्मला योङ्याले जानकारी दिए ।
यता प्रदेशसभा क्षेत्र ‘१’ को मतगणना जारी छ । यहाँ एमालेका तिलकुमार मेन्याङ्बो झण्डै एक हजारको मतान्तरले अघि छन् । उनका निकटतम प्रतिद्वन्द्वी नेकपा एसका खेमबहादुर वनेम रहेको छ ।
प्रकाशित मिति: बिहीबार, मंसिर ८, २०७९ १०:१८
