भक्तपुर– ‘सुपर डान्सर भक्तपुर’को सिजन–२ अन्र्तगत मेगा अडिसन ठिमीस्थित चाणक्य सेकेन्डरी स्कुलमा सम्पन्न भएको छ । नृत्य निर्देशक संघ नेपाल भक्तपुर शाखाले आयोजना गरेको सो अडिसनमा भक्तपुरका करिब १८ विद्यालयबाट विद्यार्थीहरुले सहभागीता जनाएका थिए ।
आयोजकका अनुसार मेघा अडिसनबाट ७४ जना जुनियर (कक्षा १ देखि कक्षा ५) र सिनियर (कक्षा ६ देखि १०) गरि सेमिफाइनलमा पुगेका छन् ।
मेगा अडिसनमा एटुजेट डान्स एकेडेमीका निर्देशक दिवस गिरि र नृत्य निर्देशक संघ नेपाल काठमाडौ क्षेत्र–३ का सचिव देवराज गुरुङ निर्णायक थिए । माघ महिनाभित्रमा फाइनल सकिने आयोजकका संस्थाका सचिव तथा कार्यक्रम संयोजक चुँडामणि फुयाँलले जानकारी दिए ।
