एजेन्सी– अर्जेन्टिनाका स्टार लियोनल मेस्सीले कतारमा जारी फिफा विश्वकप २०२२ आफ्नो अन्तिम विश्वकप रहेको बताएका छन् ।सेमिफाइनल खेलमा क्रोएसियालाई ३–० ले पराजित गर्दै अर्जेन्टिनाले फाइनलमा आफनो स्थान पक्का गरेको छ ।
सेमिफाइनल खेलपछि मेस्सीले यो विश्वकप उनको अन्तिम रहेको बताएका छन् । उनले भनेका छन्, ‘विश्वकपमा फाइनल खेलेर आफ्नो यात्रा समाप्त गर्न पाउँदा निकै खुसी छु । यो वास्तवमा निकै सुखद रहेको छ । यो विश्वकपमा जे भयो, त्यो निकै भावनात्मक रह्यो । अर्जेन्टिनाका मानिसहरूले यसको कति आनन्द लिनुभयो भनेर हेर्नु पनि निकै सुखद रह्यो । अर्को विश्वकप आउन अझै लामो बाटो छ ।यसरी विश्वकपको यात्रा समाप्त गर्नु शानदार हो । ’ फाइनल डिसेम्बर १८ मा आइतबार हुदैँछ ।
३५ वर्षीय मेस्सीको यो पाँचौं विश्वकप हो । उनी यस विश्वकपमा उपाधि जितेर आफ्नो सपना पूरा गर्ने आशा राखेका छन् ।
प्रकाशित मिति: बुधबार, मंसिर २८, २०७९ ११:३५
