नेपालगन्ज- बास नेपालगन्जले बाँकेको गंगापुर गाविस स्थित जय किसान मा.बि.मा सदभाव सम्बन्धि हाजिरी जवाफ र शिक्षकहरुसँग अन्तरक्रिया कार्यक्रम सम्पन्न गरेको छ ।
कार्यक्रम अन्तरगत बिद्यालयका कक्षा १० मा अध्ययनरत बिद्यार्थीहरुलाई लक्षित गरि सो प्रतियोगिता गरिएको हो । कार्यक्रम अन्तरगत बिद्यार्थीहरुलाई सदभाव तथा सुशासनका बिषयमा तयार पारिएका प्रश्नहरु सोधिएका थिए । प्रश्नको जवाफ दिने बिद्यार्थीहरुलाई पुरस्कार समेत प्रदान गरिएको थियो ।
यसैगरी सोही अवसरमा बिद्यालयका शिक्षकहरु सँग गरिएको अन्तरक्रिया कार्यक्रममा बासका कार्यक्रम संयोजक सम्भु शाहीले शान्ति सदभावका बिषयमा जानकारी गराएका थिए । कार्यक्रम पश्चात सहभागीहरुले शान्ति सदभाव कायम गर्न आफुहरु प्रतिबद्ध रहेको बताएका थिए । कार्यक्रममा बासका उपनिर्देशक हेमराज भट्ट, बिद्यालयका प्रधानाध्यापक लक्ष्मण प्रसाद तिवारी, महेन्द्र माबि मटेहीयाका प्रअ पेशकार सिह लगायतको उपस्थिती रहेको थियो ।
प्रकाशित मिति: बुधबार, फागुन ४, २०७३ १७:४९
