काठमाडौं– ब्राजिलका लेजेण्ड फुटबल स्टार पेलेले अर्जेन्टिना र मेस्सीलाई विश्वकप जितेकोमा बधाई दिएका छन् । उनले मेस्सीको तारिफ गर्दै उनी यस जितको लागि योग्य भएको भनेका छन् भने उनले फ्रान्स स्टार एमबाप्पेको पनि तारिफ गरेका छन् ।
पेलेले सामाजिक सञ्जाल इन्स्टाग्राममा एक पोस्ट लेख्दै भनेका छन्, ‘सधैँ झैँ, आज पनि फुटबलले आफ्नो कथा सुनाउन जारी राखेको छ, एक रोमाञ्चक तरिकाले । मेस्सीले आफ्नो पहिलो विश्वकप जितेका छन्, यसका लागि उनी योग्य पनि छन् ।’ पेलेले यस जितको घडिमा डियागो म्याराडोना मुस्कुराइरहेको पनि भनेका छन् ।
पेलेले एमबाप्पेलाई साथिको संग्या दिर्दै थप लेखेका छन् , ‘मेरो प्यारो साथी, एमबाप्पे, फाइनलमा चार गोल । हाम्रो खेल भविष्यका लागि यस्तो उत्कृष्ट खेल हेर्न पाउनु उपहार हो । मोरोक्कोलाई पनि बधाई । अफ्रिका चम्किरहेको हेर्न पाउँदा निकै खुसी लागेको छ । बधाई छ अर्जेन्टिना । पक्कै पनि डिएगो अहिले मुस्कुराउँदै हुनुहुन्छ ।’
प्रकाशित मिति: सोमबार, पुस ४, २०७९ १५:०९
