काठमाडौं– आज बुधबार नेप्से परिसूचक ५८९ अंकले घटेर १८६७.२२ बिन्दुमा पुगेर बजार बन्द भएको छ। यससँगै आज कारोबार रकम पनिमा समेत गिरावट आएको छ ।
अघिल्लो कारोबार दिन अर्थात् मंगलबार ९३ करोड ८ लाख ३९ हजार ९०१ रुपैयाँको सेयर कारोबार भएकोमा त्यो रकम घटेर आज ८६ करोड ३८ लाख १६ हजार ५६१ रुपैयाँमा झरेको छ।
यस दिन २५२ वटा धितोपत्रको २४ लाख ४० हजार ३०७ कित्ता सेयर किनबेच भएको छ। बुधबार आधिखोला लघुवित्त र श्रृजनशिल लघुवित्तको सेयर मूल्यमा सर्किट लेभलमा बढेको छ।
आधिखोला लघुवित्तको सेयर मूल्य १० र श्रृजनशिल लघुवित्तको सेयर मूल्य ९.९९ प्रतिशतले बढेर प्रतिकित्ता मूल्य क्रमशः एक हजार ६५७ रुपैयाँ ७० पैसा र एक हजार ९६ रुपैयाँ २० पैसा कायम भएको छ।
यस दिन सेयर मूल्य सर्वाधिक घट्नेमा पञ्चकन्या माई हाइड्रोपावर रहेको छ। उक्त कम्पनीको सेयर मूल्य ६.२८ प्रतिशतले घटेर प्रति कित्ता मूल्य १७६ रुपैयाँ २० पैसामा झरेको छ।
त्यस्तै, दोस्रोमा गुडबील फाइनान्स रहेको छ। उक्त कम्पनीको सेयर मूल्य ३.६० प्रतिशतले घटेर प्रति कित्ता मूल्य ४२३ रुपैयाँ २० पैसा कायम भएको छ।
प्रकाशित मिति: बुधबार, पुस ६, २०७९ १५:३८
