काठमाडौं– पछिल्लो समय बलिउडमा सारा अलि खानको डिमाण्ड बढ्दै गएको छ । मोडलिङ हुँदै फिल्मी अभिनयमा प्रवेश गरेकी सारा अब आनन्द एल रायले निर्देशन गर्न लागेको नयाँ भोजपुरी फिल्ममा देखिने भएकी छन् ।
भारतीय मिडियाले जनाएअनुसार उक्त फिल्ममा धनुषको पनि अभिनय रहने छ । उक्त फिल्ममा उनी विहारीकी छोरीको भूमिकामा देखिनेछिन् ।
यसअघि साधारण चुलबुले केटीको भूमिकामा काम गरिरहेकी साराका लागि बिहारी केटीको भूमिका उनको करियरकै महत्वपूर्ण भूमिका हुनेछ । यो डार्क रोमान्टिक कमेडी फिल्ममा साराले एक बिहारी केटिको भूमिकामा अभिनय गर्दै छिन र उनले यो भूमिकाको लागि भोजपुरी भाषा सिक्नु पर्ने छ ।
हिजोआज लगभग सबै राम्रा कलाकारहरूले आफुले निर्वाह गर्न लागेको भूमिकाको लागि शारीरिक हाउभाउ र भाषामा काम गर्ने गर्दछन् । यसअघि ‘लभ आजकल’को ट्रेलर सार्वजनिक भएपछि उनको अभिनयलाई लिएर दर्शकबाट मिश्रित प्रतिक्रिया आइरहेको छ । यस्तो अवस्थामा साराको लागि भोजपुरी भाषा सिक्नु महत्वपूर्ण र चुनौतीपूर्ण हुनेछ । तर, साराले आफूले भूमिकामा न्याय दिन सकेसम्म प्रयास गर्ने बताएकी छन् ।
