काठमाडौं– बलिउड अभिनेता सलमान खानले आफ्नो ५७ औं जन्मदिन आफ्ना साथीभाइ र परिवारसँग मनाएका छन् । सलमानको जन्मदिनमा पार्टिको आयोजना
उनकी बहिनी अर्पिता खान शर्मा र पति अभिनेता आयुष शर्माले गरेका थिए ।
सलमान र अर्पिता खान शर्माकी छोरी आयत शर्माको जन्मदिन एकै दिन रहेको छ । सलमानको पार्टीमा बलिउड चलचित्र क्षेत्रका धेरै जनाको सहभागिता रहेको थियो । सलमानलाई उनको विशेष दिनमा शुभकामना दिन आएका केही पाहुनामध्ये शाहरुख खान पनि थिए ।
शाहरुख पार्टीका लागि पुगेपछि उनले सलमानसँग अगालो हालेर फोटो समेत खिचाए। । आगामी फिल्म ‘पठान’ र ‘टाइगर ३’ मा एक–अर्काको भूमिकामा देखिने यी दुई स्टारले एकअर्कालाई अँगालो हालेको तस्विर अहिले सामाजिक सञ्जालमा व्यापक भइरहेको छ ।
प्रकाशित मिति: मंगलबार, पुस १२, २०७९ ११:४५
