एजेन्सी– नाइजेरियामा सोमबार र मङ्गलबार भएका दुर्घटनामा परेर कम्तीमा पनि २१ जनाको मृत्यु भएको छ ।
देशको मध्यभागमा पर्ने कुवार तास्कुवाममा सोमबार दुई सवारी साधन आपसमा ठोक्किएर दुर्घटना भएको हो । त्यसैगरी मङ्गलबार पनि देशको एक मुख्य राजमार्गमा सवारी दुर्घटना भएको र त्यसमा परेर १० जनाको ज्यान गएको थियो ।
नाइजेरियामा सडकको खराब अवस्थाका साथै यहाँ सवारी हाँक्ने चालकहरुले निकै लापरवाही रुपमा सवारी हाँक्ने भएकाले पनि सडक दुर्घटनाहरु भइरहने बताइन्छ । नाइजेरियामा वर्षेनी सयौँ मानिसको सडक दुर्घटनामा परेर ज्यान जाने गरेको छ ।
प्रकाशित मिति: बुधबार, पुस १३, २०७९ १५:४३
