काठमाडौं–नेपाली बजारमा आज सुनको मूल्य बढेको छ । नेपाल सुनचाँदी महासंघका अनुसार हिजो बुधबारको तुलनामा सुनको मूल्य तोलामा २०० रुपैयाँले बढेको हो । महासंघले आज छापावाल सुनको मूल्य तोलामा १ लाख ३ हजार १०० रुपैयाँ र तेजाबी सुनको मूल्य तोलामा १ लाख २ हजार ६०० रुपैयाँ रहेको जनाएको छ ।
हिजो बुधबार सुनको मूल्य तोलामा १ लाख २ हजार ९०० र तेजाबी सुनको मूल्य तोलामा १ लाख २ हजार ४०० रुपैयाँ थियो ।
यसैगरी, आज चाँदीको मूल्य तोलामा १५ रुपैयाँले घटेको छ । महासंघले हिजो प्रतितोला १४ सय रहेको चाँदीको मूल्य आज १३ सय ८५ रुपैयाँमा कारोबार भइरहेको जनाएको छ ।
प्रकाशित मिति: बिहीबार, पुस २१, २०७९ ११:२४
