काठमाडौं– गायन रियालेटी शो ‘द भ्वाइस नेपाल’को सिजन–२ मा ब्याट्ल राउण्डबाट बाहिरीएका प्रतिस्पर्धी विनय कार्कीको आवाजमा रहेको नयाँ गीत रिलिज भएको छ ।
‘परदेशमा’ बोलको गीतको भिडियो सार्वजनिक गरिएको हो । सुदिप आत्रेयको शब्दरचना रहेको उक्त गीतमा किरण माइकलको संगीत रहेको छ ।
उक्त मार्मिक गीतमा कलाकार सारदा गिरी, रंगकर्मी अर्जेस रेग्मी ‘चक्र’ले अभिनय गरेका छन् । पैसा कमाएर घर बनाउने सपना लिएर विदेश हिँडेको छोरा आमाको मृत्युको खबरपछि घर फर्किएको कथा भिडियोमा समेटिएको छ । उक्त हेरिरहँदा अन्तिममा विदेश जानु रहर हैन, बाध्यता हो भन्ने देखाउँछ ।
उक्त म्यूजिक भिडियोलाई सशांक कँडेलको निर्देशन गरेका हुन् । बुद्ध थापाको छायाङ्कन रहेको यस भिडियोलाई बिकाश दाहालले सम्पादन गरेका हुन् । गायक कार्कीले यसअघि पनि थुप्रै गीतमा स्वर दिएका छन् । गायनमा संर्घषरत रहेकै बेला ‘द भ्वाइस अफ नेपाल’मा सहभागी भएका उनी अन्नतः टप–८ बाट बाहिरिएका थिए । उनी रियालिटी शोबाट बाहिरिए पनि गायनलाई निरन्तरता दिने बताउँछन् ।
