काठमाडाैं - आज सुदूरपश्चिम, लुम्बिनी र कर्णाली प्रदेशको मौसम आंशिकदेखि सामान्य बदली भएको छ । यी प्रदेशमा मौसम बदली भइरहे पनि पानी भने पर्न सकेको छैन ।
पश्चिमी न्यून चापीय प्रणाली सक्रिय नहुँदा देशभर नै पानी पर्न सकेको छैन । आज उच्च पहाडी र हिमाली जिल्लामा हल्का हिमपातको अनुमान गरिएको मौसमविद् विनु महर्जनले जानकारी दिएका छन् ।
उनका अनुसार अहिले तराईका जिल्लामा बाक्लो हुस्सु कुहिरो छ । दिउँसो पछि हट्ने अनुमान गरिएको छ । काठमाडाैं उपत्यकासहित आसपासका जिल्लाको मौसम भने सामान्यतया सफा नै रहने अनुमान छ ।
काठमाडाैं उपत्यकामा बिहान बेलुका चिसो भए पनि दिउँसो गर्मी हुन थालेको छ । पारिलो घाम लाग्न थालेकाले दिउँसोको समयमा चिसो नभएकाे जनाइएकाे छ । बिहानको काठमाडाैं न्यूनतम तापक्रम ४ दशमलव ५ डिग्री सेल्सियस मापन गरिएको छ ।
प्रकाशित मिति: बिहीबार, पुस २८, २०७९ ०८:१३
