काठमाडौं– प्रदेश १ मा सभामुखको आज भएको निर्वाचनमा माओवादी केन्द्रका सांसद बाबुराम गौतम निर्वाचित भएका छन् । गौतको एकल उम्मेदवारी परेको थियो। प्रदेश सभा सचिवालयका अनुसार सभामुखको निर्वाचनका लागि आज बस्ने बैठकले उनलाई सभामुखको निर्वाचित भएको घोषणा गरेको हो । प्रस्तावक र समर्थकले समर्थन रहेको जनाएपछि ज्येष्ठ सदस्य गयानन्द मण्डलले एकल उम्मेदवार परेकाले निर्विरोध निर्वाचित भएको घोषणा गरेको छ ।
माओवादी उम्मेदवार गौतमलाई सत्ता पक्ष र प्रतिपक्षी दलको पनि समर्थन रहेको थियो । माओवादी केन्द्रका केन्द्रीय सदस्य गौतम ओखलढुङ्गाको प्रदेश सभा निर्वाचन क्षेत्र नम्बर २ बाट प्रत्यक्ष निर्वाचित भएका थिए । प्रदेश १ को पहिलो कार्यकालमा एमाले सांसद प्रदीपकुमार भण्डारी सभामुख बनेका थिए । दोस्रो कार्यकालमा गौतम बेनेको छ।
सभामुख गौतमले आजै शपथ लिनेछन् । उनलाई प्रदेश प्रमुख परशुराम खापुङले शपथ गराउने छन् ।
प्रकाशित मिति: बिहीबार, पुस २८, २०७९ १३:१३
