दोलखा- दोलखा महोत्सव हुने भएकाे छ। दोलखाको कृषि ब्यापार ब्यवसायलाई पर्यटनसँग जोड्ने उदेश्यका साथ दोलखा चेम्बर अफ कमर्सले सातदिने दोलखा महोत्सवको आयोजना गर्ने भएको हाे । बिहिबार सदरमुकाम चरिकोटमा पत्रकार सम्मेलनको आयोजना गर्दै दोलखा चेम्बर अफ कमर्सका अध्यक्ष विष्णु श्रेष्ठले जानकारी दिएका छन् ।
लामो समयदेखि कोभिडले थलिएर रहेको ब्यवसायलाइ पर्यटनसँग जोड्ने र आन्तरिक तथा बाहय पर्यटकलाइ भित्र्याइ दोलखाको कृषि तथा पशुजन्य उत्पादनको प्रचार तथा थप जोड दिनुको साथै कला र सास्कृतिको दोलखाको पहिचानलाई उजागर गर्ने जिल्लालाई समृद्ध बनाउने उदेश्य रहेको अध्यक्ष श्रेष्ठ बताउँछन्।
कोभिड पछाडि दोलखाको ब्यापार ब्यायबसायले नया गति लिन सकेको थिएन भने जिल्लामा घुम्न आउने पर्यटकको सङ्ख्यामा समेत कोरोना भाइरस हुनु अगाडिको तुलनामा ज्यादै न्यून हुँदै गएका थिए भने होटल ब्यवसायसमेत धरासायिमा पुग्ने अवस्था रहेकाे थियो।
यो समय पर्यटनमैत्री मौसम समेत रहेको हुँदा दोलखा महोत्सवले महत्वपूर्ण अर्थ राख्ने र होटल ब्यवसायलाई पनि केही हदसम्म राहत मिल्ने चरिकोटका होटल ब्यवसायी बिष्णु थापाले बताए । चेम्बर अफ कमर्सको कार्य स्वागत योग्य रहेको र त्यसलाई मध्यनजर गर्दै होटल ब्यवसायीहरुले नया परिकारको खानाको स्वाद प्रदान गरि खानपिनमा नयाँपना दिलाउन समेत लागि पर्नु पर्ने ब्यवसायी थापाको भनाइ छ।
करिब चार वर्ष पछाडि यहि फागुनको २१गते देखि २७गतेसम्म हुन लागेको दोलखा महोत्सव कुन तवरबाट सन्चालन गर्ने र दोलखाको पर्यटनलाई कसरी थप व्यवस्थित बनाउन सकिन्छ भन्ने विषयमा सराेकारवालासँग थप छलफल भैरहेको चेम्बर अफ कमर्स दोलखाको अध्यक्ष श्रेष्ठले बताएका छ्न्।
प्रकाशित मिति: शुक्रबार, पुस २९, २०७९ ०८:५१
