एजेन्सी-स्पेनिस सुपर कपको फाइनलमा बार्सिलोना प्रवेश गरेको छ । पेनाल्टी सुटआउटमा रियल बेटिसलाई ४-२ ले हराउँदै बार्सिलोनाले स्पेनिस सुपर कपको फाइलनमा प्रवेश गरेको हो । अब फाइनमा बार्सिलोनाले रियल मड्रिडसँग जनवरी १६ मा प्रतिस्पर्धा गर्नेछ ।
निर्धारित र अतिरिक्त समयको खेल २-२ को बराबरी भएपछि खेल पेनाल्टी सुटआउटमा गएको थियो ।
खेलको ४०औं मिनेटमा स्ट्राइकर रोबर्ट लेवान्डोवस्कीले गोल गर्दै बार्सिलोनालाई अग्रता दिलाएका थिए । ७७औं मिनेटमा फिकिरको गोलमा बेटिस खेलमा फर्किएको थियो । ९३औं मिनेटमा अंशु फातीले गरेको गोलमा बार्सिलोनाले पुनः अग्रता लिएको थियो । एक सय एक मिनेटमा मोरोनले बेटिसलाई खेलमा फर्काएका थिए ।
पेनाल्टी सुटआउटमा बार्सिलोनाका फाती, लेवान्डोवस्की, फ्रयांक केइसी र पेड्रीले गोल गरे भने बेटिसका जस र मोरोनले माात्र गोल गर्न सफल भए ।
प्रकाशित मिति: शुक्रबार, पुस २९, २०७९ १०:५८
