काठमाडौं– भोजपुरी गायिका इन्दु सोनालीको सुमधुर स्वर रहेको भोजपुरी गीत ‘हमनिके भागिया’को भिडियो सार्बजनिक भएको छ । दर्जनौँ चर्चित भोजपुरी गीतहरूमा आफ्नो आवाज दिइसकेकी गायिका इन्दु सोनाली बलिउडमा समेत प्रख्यात छिन ।
उपेन्द्र सहानीको शब्दमा संगीतकार शिखर सन्तोषको संगीत रहेको उक्त भोजपुरी गीतको भिडियोलाई आलोक शुक्लाले छायाङ्कन गरेका हुन् भने निर्देशक पुर्णेन्द्र झाले निर्देशन गरेका छन् ।
सार्वजनिक भिडियोमा लोकप्रिय नायिका केकी अधिकारी र बिजय यादबले अभिनय गरेका छन् । उक्त म्युजिक भिडियोको परिकल्पनाकार तथा निर्माता प्रभु शाह हुन् । संगीतकार शिखर सन्तोषले चर्चित भोजपुरी चलचित्र र दर्जनौँ भोजपुरी गीत तथा बलिउडका चर्चित गायक गायिकाहरूको लागि संगीत भरिसकेका छन् ।
