एजेन्सी– अनुष्का शर्मा र विराट कोहली यतिबेला डेटमा छन् । शनिबार बिहान, क्रिकेटरले अभिनेत्री अनुष्का शर्मासँग समुद्र तटमा डेट गरिरहेको एक तस्वीर शेयर गरेका हुन् ।
यो जोडी मन भरी मुस्कुराएको देख्न सकिन्छ । विराट कोहलीले आफ्नो पोस्टमा हर्टको इमोजी पनि थपेका छन्। अनुष्का शर्मासँग धेरै वर्ष डेटिङ गरेपछि २०१७ मा इटालीमा एक समारोहबीच क्रिकेटर विराट कोहलीले विवाह गरेका थिए । उनीहरूले जनवरी २०२१ मा छोरी वामिकालाई जन्म दिएका हुन् ।
विराट र अनुष्काले छोरी वामिकाको दोस्रो जन्मदिन केहि दिन अघि मात्र मनाएका थिए । विराटले छोरी वामिकासँगको तस्विर शेयर गर्दै क्यापसनमा , ‘मेरो मुटुको धड्कन २ ’ लेखेका छन् ।
पछिल्लो पटक २०१८ मा शाहरुख खान र कट्रिना कैफ सह–अभिनित रहेको फिल्म जिरोमा देखिएकी अभिनेत्री विगत केही वर्षदेखि निर्माताको रुपमा व्यस्त छन् । उनी हालै उनको भाइ कर्णेश शर्माद्वारा निर्मित नेटफ्लिक्स फिल्म कलामा केमियो भूमिकामा देखिएकी थिइन्। उनी घोडे पे सवार ट्र्याकको ग्रेस्केल मोन्टेजमा देखिएकी थिइन्। अनुष्का शर्माले रब ने बना दी जोडी, पीके, ब्यान्ड बाजा बारात, सुल्तान र ए दिल है मुश्की जस्ता फिल्ममा अभिनय गरेकी छन् ।
अनुष्का अब छकडा एक्सप्रेसमा देखिने भएकी छन् । छोरी वामिकाको जन्म पछि उनको यो पहिलो प्रोजेक्ट हो । फिल्म झुलन गोस्वामीको जीवनमा आधारित रहेको छ। अनुष्काले कोलकाता र बेलायतमा फिल्मको केही भाग सुटिङ गरेकी छन् । यो चलचित्र गत वर्षको सुरुमा फ्लोरमा गएको थियो ।
प्रकाशित मिति: शनिबार, पुस ३०, २०७९ १६:५३
