काठमाडौं– सोमबार साँझ खोकनातर्फ जाँदै गरेको कार चोभारको बागमती किनार कार खस्दा बेपत्ता भएका पुरूषको खोजी जारी रहेको छ ।सोमबार साँझ बा ५ च ५६५४ नम्बरको कार खोलामा खस्दा एक महिला घाइते भएकी थिइन्।
एक जना पुरूष भने बेपत्ता भएको जिल्ला प्रहरी परिसर ललितपुरका प्रहरी उपरीक्षक प्रविण पोखरेलले जानकारी दिए।
उनका अनुसार अहिले विपद्को टोलीले बेपत्ता पुरुषको खोजी गरिरहेको छ। प्रहरीले र्याफ्टिङ गरी बेपत्ता भएको हुनसक्ने सम्भावित ठाउँमा खोजी गरिरहेको छ ।
बेपत्ता हुनेमा दक्षिणकाली नगरपालिका–१ चाल्नाखेल बस्ने राजकुमार खत्री छन्। यस्तै उनकी श्रीमती अम्बिका लामिछाने खत्री घाइते छिन्। कार दुर्घटना भएपछि प्रहरीले उनको उद्धार गरी बल्खुस्थित बयोधा अस्पतालमा पुर्याएको थियो।
उनले नै श्रीमानसँगै कारमा सवार रहेको बताएपछि प्रहरीको टोली घटनास्थलमा पुगेको हो।
प्रकाशित मिति: मंगलबार, माघ ३, २०७९ १२:२७
