एजेन्सी– क्रिस्टियानो रोनाल्डोले लियोनल मेस्सीसँगको तस्बिर सामाजिक सञ्जालमा सेयर गरेका छन् ।लियोनेल मेस्सीको पेरिस सेन्ट जर्मेन र क्रिस्टियानो रोनाल्डोको अल–नासर अल–हिलाल इलेभेनबिच मैत्रीपूर्ण खेलमा पुन ः यी दुई खेलाडीको खेलमैदानमा एकजुट भएको हो।
मैत्रीपूर्ण खेलमा फ्रान्सेली टोलीले ५–४ को रोमाञ्चक जित हासिल गर्दै खेल समाप्त भएको थियो। खेल पछि, रोनाल्डोले आफ्नो महान प्रतिद्वन्द्वी लियोनल मेस्सीलाई अँगालो हालेको फोटो सहित धेरै तस्विरहरू इन्स्टाग्राममा पोस्ट गरेका छन् । तस्वीरको क्याप्सनले फ्यानहरूको मन जितेको छ ।
रोनाल्डोले एक पटक पेनाल्टीबाट र अर्को पटक हेडरमार्फत दुई पटक गोल गरेका थिए ।
पोर्चुगिज फुटबलरले आफ्नो टोलीलाई मैदानमा जित दिलाउन प्रेरित गर्न असफल भए पनि खेलपछि आफ्नो पोस्टले इन्टरनेटमा प्यानहरुको मन जितेको छ । रोनाल्डोले लेखेका छन्, “पिचमा र स्कोर सिटमा फर्किन पाउँदा धेरै खुसी छु, र केही पुराना साथीहरू देख्न पाउँदा खुसी लाग्यो । ”
पीएसजीका लागि मेस्सी र केलियन एम्बाप्पे दुवैले गोल गरे र नेयमारले पेनाल्टी गुमाए । साउदीको राजधानीमा भएको प्रदर्शनी खेलका लागि करोडौं युरो बराबरका फुटबलरहरू अवलोकनमा थिए।
प्रकाशित मिति: शनिबार, माघ ७, २०७९ १५:५२
