रियो दि जेनेरियो– ब्राजिलको दक्षिणपूर्वी क्षेत्रमा अत्यधिक बर्षाका कारण मृत्यु हुनेको संख्या १४ पुगेको छ ।
मिनास गेरैस राज्य अन्तर्गत बेलो होराईजोन्टमा उनीहरूको मृत्यु भएको नागरिक रक्षा मन्त्रालयका अधिकारीहरूले जनाएका छन् ।
उनीहरूका अनुसार अरु सात जना घाइते भएका छन् भने २५ सय ९० जना विस्थापित भएका छन् । त्यसैगरी ९ सय ११ जनालाई अस्थायी शिविरमा राखिएको छ ।
ब्राजिलको राष्ट्रिय मौसम तथा जलवायुसम्बन्धी कार्यालयले मिनास गेरैस राज्यको राजधानी बेलो होराईजोन्टमा शुक्रबारको पछिल्लो २४ घण्टामा १७१.८ मिलिमिटर बर्षा भएको
जनाएको छ ।
कार्यालयका अधिकारीहरूका अनुसार विगत ११० बर्षभरीमा बर्षासम्बन्धी यो विवरण अहिलेसम्मकै सबैभन्दा धेरै देखिएको छ । (रासस÷सिन्ह्वा)
प्रकाशित मिति: सोमबार, माघ १३, २०७६ ०८:४९
