काठमाडौं– नेपाली बजारमा सुनको भाउ बडेको छ । आज सोमबार सुन तोलामा ३ सय रूपैयाँले बढेको हो ।
नेपाल सुनचाँदी व्यवसायी महासंघका अनुसार आज छापावाल सुन बढेर प्रतितोला १ लाख ५ हजार ३ सय रूपैयाँ कायम भएको छ । आइतबार छापावाल सुन प्रतितोला १ लाख ५ हजार रूपैयाँमा कारोबार भएको थियो ।
तेजावी सुन प्रतितोला १ लाख ४ हजार ८ सय रूपैयाँ रहेको छ। आइतबार तेजावी सुन प्रतितोला १ लाख ४ हजार ५ सय रूपैयाँमा कारोबार भएको थियो ।
महासंघका अनुसार आज चाँदी तोलामा ५ रूपैयाँले बढेर प्रतितोला १ हजार ३८० रूपैयाँमा कारोबार भइरहेको छ । आइतबार चाँदी स्थिर रहेर प्रतितोला १ हजार ३७५ रूपैयाँमा कारोबार भएको थियो ।
प्रकाशित मिति: सोमबार, माघ ९, २०७९ ११:३२
