काठमाडौं– झापामा रहेको चिया बगानमा एक जना युवक र एक जना युवती मृत फेला परेका छन् ।
कचनकवल गाउँपालिका–४ केचनामा आज बिहान उनीहरू मृत भेटिएको प्रहरीले जनाएको छ । एभरेष्ट चिया बगानमा उनीहरू दुवै जना झुण्डिएको अवस्थामा मृत फेला परेको
जिल्ला प्रहरी कार्यालय झपाका प्रवक्ता डिएसपी बसन्त पाठकले बताए ।
डिएसपी पाठकका अनुसार युवक अन्धाजी २५ र युवती १८ वर्षकी छन् । अहिले घटना स्थलमा प्रहरी टोली पुगेको छ ।
अनुसन्धान सुरु भएको र घटनाबारे थप केही कुरा खुलिनसकेको प्रवक्ता पाठकले बताए ।
प्रकाशित मिति: मंगलबार, माघ १०, २०७९ १०:२४
